புதன், 4 ஏப்ரல், 2018

                                              எனது நாடு ;எனது மக்கள் 

                          ஒரு சர்வாதிகாரிபோல் தமிழ்நாட்டைத் தன்  பிடிக்குள் வைத்திருந்த ஒருவரை கொஞ்சம் கொஞ்சமாக அடக்கி ஒடுக்கி சவப்பெட்டிக்குள் சேர்த்துவிட்டனர்.
                          தமிழ்நாட்டின் முழு அதிகார வர்க்கமும் கூனிக்குறுகி அவர் காலடியில் கிடந்தது.
                       காரணம் அவரது வீரம் விவேகம் ஆளுமைத்திறன் .பணத்தால் எதையும் சாதித்துவிட முடியும்என்றுபலரும்நினைக்கிறார்கள்.ஆகையினால் 
மானம் மரியாதை சுய கௌரவம் எல்லாவற்றையும் பணத்திற்காக இழக்கத் தயங்காமல்  தொண்டர் படை என்ற கூட்டம்  அவரது காலடியில் கிடந்தது.அவரது மறைவு,இன்றுவரை விடைகாண முடியாத மர்மமாகவே இருக்கிறது.

                இந்நிலையில் " இந்திய விடுதலையின் இறுதி நாட்கள் "என்ற அலைகள் வெளியீட்டகம் பதிப்பித்த நூலைப் படிக்க நேர்ந்தது.அதிலிருந்து சில வரிகள் அப்படியே பதிவிடுகிறேன் 

                          எனது நாடு பாரம்பரிய பெருமை மிக்கது.பல ஆயிரம் ஆண்டுகளுக்கு முன்பே உலகிற்கு வழிகாட்டியாக விளங்கியது.எமது மக்கள் உலகிற் சிறந்த வல்லுநர்கள்.எனது நாட்டின் பெருமையை அறிந்த உலக மக்கள் பல நாடுகளிலிருந்து வந்துஎமது நாட்டின் பெருமையைப் படித்திருக்கின்றனர்.மருத்துவத்திலும் வான சாஸ்த்திரத்திலும் விஞ் ஞானத்திலும்எமது மக்கள் உலகிலேயே சிறந்தவர்களாக விளங்கியிருக்கின்றனர்.குறுநில மன்னர்களால் ஆளப்பட்டு  சிறு சிறு கூட்டங்களாக  இவர்கள் வாழ்ந்திருக்கிறார்கள்.அம் மன்னர்கள் வீரத்திற்கும் விவேகத்திற்க்கும் எடுத்துக்காட்டாக விளங்கியவர்கள் . 

                                      இன்றைய நிலை என்ன ?

    எனது நாடு வாழ்க்கைமுறைக்கு ஏற்றது இல்லை என்று எமது மக்களே நினைக்கின்றனர்.காலம் காலமாக எமது நாடு கொள்ளையடிக்கப்பட்டது.பிற மதத்தினர் கூடிக்கூடி எமது மக்களை மூளைச்சலவை செய்தனர்.எத்தனையோ அறிவுப்பொக்கிஷங்கள் இங்கிருந்து அகற்றப்பட்டன. 

                    திரும்பவும் நாம் நமது உன்னத நிலையை அடைய முடியுமா?

                                          முடியும் ! ! !

         அறிவாளிகளும் திறமைசாலிகளும் ஒதுங்கியிருந்து வே டிக்கை ப் பார்க்காமலிருந்தால்.......

                    மனதாலும் செயலாலும் உண்மையானவர்கள் ,வல்லுநர்கள் வலிமை பொருந்தியவர்களும் ஒதுங்கியில்லாமல் முன்னே நின்று நாட்டின் வளர்ச்சியில் பங்கு கொண்டால் ........இந்த நாட்டில் இருக்க விரும்பாது புகலிடம் தேடி வேறு நாட்டுக்கு ஓடாமலிருந்தால் ..........

                                      நிச்சயம் முடியும்.

                 நேற்று ஆண்டவர்கள் ,இன்று ஆள்பவர்கள்,நாளை ஆளப்போகிறவர்கள்  நாட்டு மக்களின் வளத்தையும் நலத்தையும் கொள்ளையடிக்காமல்  நமது நாட்டின் பெருமையை நிலைநாட்டுவதில் ஆர்வம் காட்டினால் ......

                            நிச்சயமாக முடியும்.

                      அரசியல் களத்தில் முன் நிற்பவர்கள் முதலில் தங்களை சுய பரிசோதனை செய்துகொள்ளட்டும்.இன்றும் கூட சாக்கடையை சுத்தம் செய்பவர்கள் யார்.....? அந்த சாக்கடையிலேயே உழன்று கொண்டிருப்பவர்கள்தானே.
                      திருப்பராய்த்துறையில்  விவேகானந்தா  வித்யாலயா அமைத்த சித்த பவானந்தர் வாழ்வில் ஒரு சம்பவம்.......
                      அன்று பள்ளி வளாகத்தில் கழிவுநீர்குளத்தை (Septic tank ) சுத்தம் செய்ய திட்டமிட்டிருந்தார்கள் .சித்த பவானந்தர் வந்தார்.மற்றவர்கள் ,ஐயா,கழிவு நீர் சுத்தம் செய்பவர் இன்று வரமுடியாது என்று செய்தியனுப்பிவிட்டார் ,இப்பொழுது நாம் எப்படி சுத்தம் செய்வது ? என்று
செய்வதறியாது நின்றுகொண்டிருந்தனர்.
                   சித்பவானந்தர் கொஞ்சம்கூட தயங்காமல் இடைத்துணியை அவிழ் த்துப்போட்டுவிட்டு  கோவணத்துடன்  கழிவுநீர்த்தொட்டிக்குள் குதித்து 

                            இப்படி சுத்தம் செய்வோம் 

                        என்று வேலை செய்ய ஆரம்பித்துவிட்டார்.

                
                             தலைமை ஏற்க முன்வருபவன் திறமையானவனாக சொந்த கஷ்ட நஷ்டங்களைப் பாராமல் தனது செயல்பாட்டில் உண்மைநிலையை நிலைநாட்டுபவனாக இருக்கவேண்டும்.

                                அப்படிப்பட்டவர்கள்  அடையாளம் காணப்படாமல் எங்கோ ஒரு மூலையில் தன்னளவில் செயலா ற்றிக்கொண்டிருக்கிறார்கள். தினமும் ஆயிக்கணக்கானவர்கள் பயணிக்கும் ஒரு சாலை இது.


                                    இதன் ஒரு புறத்தில்  பார்ப்போர் மனம் விழிப்படைந்து அவர்களுக்குள் ஒரு உந்துசக்தியை ஊட்டக்கூடிய  "அகத்தூண்டுதல் பூங்கா"' அமைந்துள்ளது.

                               ஒரு சோதனைக்காக நாளை இந்த சாலையோரத்தில் நின்று  கொண்டு யாரிடமாவது ,"இது என்ன அமைப்பு " என்று கேட்டுப்பாருங்கள்.
அநேகமாக பலரும் தெரிந்துகொண்டிருக்க மாட்டார்கள்.

                                இப்படிப்பட்ட மக்களை எப்படி வழி நடத்துவது.மக்கள் மனதளவில் இது நமது நாடு என்று பெருமை கொள்ளவேண்டும். நாட்டிற்கு ப் பெருமை சேர்ப்பவர்களை ஊடகங்கள் முன்னிலைப்படுத்தவேண்டும் .

               இன்று கொடி பிடிக்கும் தொண்டர்கள் தலைவனிடம் என்ன எதிர்பார்க்கிறார்கள்?
                         தனக்கொரு பதவி.அதன்மூலமாக செல்வம் . இவர்களால் நாடு என்ன முன்னேற்றத்ததை அடைந்துவிட முடியும் ?

                 இந்திய ஆட்சிப்பணி அதிகாரி ஒருவரின் பேச்சும் செயல்களும் பல ஊடகங்களால் விமரிசிக்கப்படுகிறது.

                  அவர் பிறப்பதற்கு முன்பாகவேப் பிறந்து இன்று எழுபத்தியாறு அகவையைக் கடந்துகொண்டிருக்கும் ஒரு இராணுவ அதிகாரி அன்று 1962 ல் தான் வாங்கிய அரசாங்க சம்பளத்தை ஆற்றில் வீசி எரிந்தார் .பின்னர் தனது பிறந்தமண்ணை  உலகின் கீழ்க்கோடியில் தூவி பிறந்த மண்ணுக்குப் பெருமை சேர்த்தார் . தென் துருவத்திலிருந்து ஒரு டன்  எடையுள்ள கற்பாறைகளை தமிழகம் கொண்டுவந்து  "அகத்தூண்டுதல் பூங்கா" அமைத்துள்ளார்.


                            இதை எந்த ஊடகமும் கண்டுகொள்ளவில்லை .

               இவரைப்போன்றவர்கள்  யாருக்காக உழைக்கிறார்கள் ?நாட்டு நலனில் அக்கறையுள்ள மனிதர்கள் .......

                        
                                     சிந்தியுங்கள் ! செயல் படுங்கள் !!
                          மேலும் விபரங்கள் தேவைப்படுவோர்  தொடர்பு கொள்ளுங்கள் ...

                                                              9444063794,9884060671
                                                    கர்னல் பாவாடை கணேசன்
                                                                                                 மீண்டும் சந்திப்போம் ...
























 



















































  

சனி, 24 மார்ச், 2018

                                                    அந்த குழந்தையே 
                                                இந்த மனிதனின் தந்தை.
                                                              (The child is the Father of the man)
             எண்ணத்தளவே வாழ்க்கை என்பது மறை மொழி .மனிதனின் செயல்பாடுகளுக்கு அவனது எண்ணங்களே அஸ்திவாரமாக இருக்கிறது என்பார்கள்.எண்ணத்தில் தோன்றாதது எதுவும் செயல் வடிவம் பெறுவதில்லை.
                   அதே சமயம் மனதில் தோன்றும் தீவிர எண்ணங்கள் செயல் வடிவம் பெறுவதை எந்த சக்தியாலும் தடுக்க முடியாது என்பதும் ஆன்றோர்கள் வாக்காகும்.
                  "பல வேடிக்கை மனிதர்களைப்போல் நானும் வீழ்வேனென்று நினைத்தாயோ "என்ற பாரதியின் பாடலை மனதில் கொண்டு எனது வாழ்க்கை சாதாரண மனிதர்களைப்போல் இருக்கக்கூடாது என்று முடிவு செய்த போது  கனவிலும் நினைத்திராத இராணுவ வாழ்க்கையில் நுழைகிறேன்.
                அந்த இளம் மனதில் தோன்றிய எண்ணங்களைப்பாருங்கள்.

             இராணுவ வாழ்க்கைதான் நான் செல்ல வேண்டிய பாதை என்று நடக்க ஆரம்பிக்கிறேன்.எல்லைப்புற வாழ்க்கை,இயற்கைப்பேரிடர்கள்  போர்க்களம் என்று காட்டுத்தீயில் புகுந்து வரும்பொழுது நான் வைரமா? இல்லை கரிக்கட்டையா? என்பதை காலம்தான் முடிவு செய்யும்.
                          அன்று நான் எழுதியதைப்  பாருங்கள்.


                        32 வது  வயதில் அடியெடுத்து வைத்த பொழுதுகூட எனக்குத் திருமணம் என்ற ஒன்று நடக்குமா? என்பது கேள்விக்குறியாகவே இருந்தது.கடமையின் பொருட்டு முரட்டுப் போர்வை போர்த்திக்கொண்டாகிவிட்டது.இந்த போர்வைக்குள்ளே ஒரு அன்புக்கும் பாசத்திற்கும் ஏங்கித்தவிக்கும் குழந்தையுள்ளம் இருக்கிறது என்பதைப் பார்ப்போர் எப்படிப்புரிந்து கொள்வார்கள்.
             அன்னை மறைத்துவிட்டார் .பள்ளிக்கூடம் பார்த்திராத தந்தை.தம்பிக்கும் திருமணமாகி நான்கு வயதில் தம்பி மகன், அண்ணன் தம்பிகளுக்கு அவரவர்கள் பிரச்சினை; ,இந்நிலையில் யார் எனது மணம் பேசப்போகிறார்கள்?
                  அன்பால் ,அழகால்,நல்ல குண நலன்களால் என்னைத் தன் வசமாக்கிக்கொள்ளும் ஒரு பெண்ணை சந்திக்க முடியாவிட்டால் எனது திருமணம் கானல் நீர்தான்  என்று எழுதி வைத்தேன்
                எனது திருமணம் எனது பெற்றோர்களின் முடிவு என்றொரு பெண் காத்திருந்தாள் .மாப்பிள்ளை என்று என்னை  சந்தித்த அவளது பெற்றோர்கள் எனது ஊர் ,குடும்பம் உறவுகள் எதைப்பற்றியும் கண்டுகொள்ளாமல் இராணுவத்தலைமையகத்தில் எனது விபரங்களைப்பார்த்து  இவர்தான் தங்கள் பெண்ணுக்கு ஏற்ற மணமகன் என்று முடிவு செய்தார்கள்.
                         இதைத்தான் "விதி " என்பதோ.

            1974 ம் ஆண்டு தை பூசத்   திருநாளில் (Feb 06,1974) அனந்தலக்ஷிமி என்ற கற்பகத்  தரு எனது வாழ்க்கைத்துணைவியாகிறாள்.
                         இருளடைந்திருந்த எனது வாழ்க்கையில்  ஒளிவெள்ளம் பரவுகிறது.
                                                         வாழ்க்கை வாழ்வதற்கே

           கால வெள்ளம்  சில பசுஞ்சோலைகளைப் பாழிடமாக்கி விடுகிறது;சில பாழிடங்களைப் பசுஞ் சோலைகளாக்கி விடுகிறது.
                   எனது வாழ்க்கை எனும் பூஞ்சோலை பூத்துக் குலுங்குகிறது.எங்களது இல்லற சோலையில் இரு நறுமலர்களாக ஆண்குழந்தைகள் தோன்றுகிறார்கள்.




          எங்களது வாழ்க்கை நிறைவட்டமாகிறது.












 

புதன், 21 பிப்ரவரி, 2018


                                இராணுவத்தில் வீர விளையாட்டுகள்.
                              ( Adventure sports in the Army)
    இராணுவம் ஒரு பன்முகப் பரிமாணம் உள்ள அமைப்பு..இராணுவம் என்றதும் துப்பாக்கி ஏந்தி போரிடுவதுதான் அவர்களது வேலை என்றுதான் பரவலாக நம்பப்படுகிறது.
                   உடலளவிலும் மனதளவிலும் ஒரு இளைஞனை தயார்படுத்திய பிறகு அவனுக்குப் போர்க்களப்பயிற்சிகள் அளிக்கப்படுகின்றன. சுமார் ஒன்றரை வருடங்கள் போல் ஆரம்பகாலப் பயிற்சிகள் முடிந்தபிறகு அவர்கள் படைப்பிரிவுகளுக்கு அனுப்பப்படுகிறார்கள்.அதிகாரிகளும் அதிகாரிகளல்லாதோரும் ஆரம்பகாலப் பயிற்சிகளை தனித்தனியாக செய்திருந்தாலும் மீதமுள்ள வாழ்க்கை முழுவதும் அவர்கள் இணைந்தே பணியாற்றுகிறார்கள்.
                  உலகில் உள்ள எல்லா விளையாட்டுகளும் இராணுவத்திலும் உள்ளன.இதில் சிறப்பாக உள்ளவர்கள் அடையாளம் காணப்பட்டு அவர்களுக்கு தனிப்பட்ட முறையில் சிறப்புப்பயிற்சியளிக்கப்படுகிறது. இவர்கள் இந்தியத்திருநாட்டின் பிரதிநிதிகளாக உலக விளையாட்டு அரங்கங்களான ஒலிம்பிக் ,ஆசிய விளையாட்டுப்போட்டி போன்றவைகளில் பங்கு கொண்டு நாட்டுக்கும் தங்களுக்கும் தாங்கள்  சார்ந்த படைப்பிரிவிற்கும் பெருமை சேர்க்கிறார்கள்.
          இவைகள் தவிர வீர விளையாட்டுகளும் இருக்கின்றன.உதாரணமாக ;

       1.)பாராசூட்டிலிருந்து குதிப்பது.
          Para jumping.

 



       2)பாராசூட் பயிற்சியில்லாதவரும் விண்ணில் பறப்பது.
         Para sailing/Glaiding

       3)மலை ஏறுதல் 
          Mountaineering.

       4)  ஆழ் கடலில் நீந்துதல்.
              Ocean swimming.

        5)ஆழ் கடல் பாய்மரப்  படகுப் பயணம்.
          Deep sea sailing.

        6)தென் துருவ ஆய்வுப் பணி .
                 Antarctic Expeditions

 

         7)ஐக்கிய நாட்டு அமைதிப்பணி.
                 United Nations Peace Keeping Force.

         8)பனி,மற்றும் பனிப்புயல் ஆய்வுகள்.
              Snow and Avalanches Study 
.
         9)விண்ணிலிருந்து பாய்வது.
               Sky Diving

         10)ஆழ்கடல்  மூழ்குதல் 
               Deep Sea Diving

     உலகம் சுற்றிய  பாய் மரப் படகு பயணமாக சில ஆண்டுகளுக்குமுன் இராணுவத்தின் பொறியாளர் படைப்பிரிவைச்சேர்ந்த அதிகாரிகள் சுமார் ஒரு வருடம் போல் கடலில் பயணித்து சாதனை நிகழ்த்தினார்கள்.
               இப்பொழுது இந்திய கடற்படை மகளிர் அதிகாரிகள் ஆறு பேர் அது போன்ற உலகம் சுற்றும் கடற்பயணத்தில் சென்று கொண்டிருக்கிறார்கள்.அவர்கள் அநேகமாக வரும் மார்ச் மாதம் பயணத்தை முடிப்பார்கள்.
           உறை  பனி கண்டம் என்று சொல்லக்கூடிய அண்டார்க்டிக்காவில் இந்தியா ஆய்வுத்தளம் அமைத்து உலக நாடுகளுக்கு இணையாக ஆய்வுகள் நடத்தி வருகிறது.உலகிலேயே கொடுமையான குளிரும் (-90*c) வருடம் முழுவதும் வீசும் பனிக்காற்றும் அதிகபட்சமாக 350Km/hr  நிரம்பிய இடமது.ஒவ்வொரு குளிர்காலக்குழுவும் ஒன்றரை வருடங்கள் அங்கு தங்கி ஆய்வுப்பணியும் பராமரிப்புப் பணிகளும் செய்து திரும்புகின்றன.
              இப்படிப்பட்ட குழுவுக்கு தலைவராக கர்னல் கணேசன் என்ற பொறியாளர் படைப்பிரிவு அதிகாரி தேர்வு செய்யப்பட்டார்.பலவிதமான மருத்துவப் பரிசோதனைக்குப் பிறகு இவர்தான் தலைவர் என்று அறிவித்தபிறகு தனது சொந்த ஊரான திருவாரூர் மாவட்டம் சன்னாநல்லூர்  சென்று தான் பிறந்த மண்ணை ஒருபிடி எடுத்துக்கொண்டார்.
                      இந்த தாய் நாட்டு மண் இந்தியத் தென் துருவ  ஆய்வுத்தளமான தக்ஷிண் கங்கோத்திரி சுற்றி தூவி தனது பணியை ஆரம்பித்தார்.உலக அளவில் பாராட்டும்படி தனது பணியை முடித்து ஒன்றரை வருடங்கள் முடிந்து திரும்புகையில் அங்கிருந்து சுமார் ஒரு டன்  எடையுள்ள கற்பாறைகள் சிலவற்றை தமிழகம் கொண்டுவந்தார்.
                       இந்த கற்பாறைகள் சுமார் பத்து அடி  உயர கான்கிரீட் தூண்கள் மீது நிறுத்தப்பட்டு "அகத்தூண்டுதல் பூங்கா "என்று பெயரிடப்பட்டுள்ளது.   
                      அவ்வப்பொழுது மனவள பயிற்சி ,உந்துசக்தி முகாம் ,யோகா போன்ற பயிற்சிகள் நடத்த திட்டமிடப்பட்டுள்ளது.ஒரு அருங்காட்சியகமும் மன  வள நூல்கள் நிறைந்த ஒரு நூலகமும் இருக்கின்றன.பயிற்சி  காலத்தில் இலவச சிற்றுண்டியும் வழங்கப்படுகின்றது.
                   வாழ்வில் முன்னேறவேண்டும்,சாதனைகள் புரியவேண்டும் என்ற ஆர்வமுள்ள இளைஞர்கள் இளம் பெண்கள் பயிற்சிக்கு வரலாம்.
                  பயிற்சி முற்றிலும் இலவசம் என்பதுடன் சிறப்பானப் பயிற்சியாளர்களுக்கு ஊக்கத்தொகையும் மேலும்  சாதனைகள் புரிய வழிகாட்டுதலும் கொடுக்கப்படுமின்றன.